المنوفية بوك

للتذكره فقط

كاتشر للشحن

من ٣٣ سنوات كانت مصر معزولة سياسيا عن العالم وحصار اقتصادى وسياسى وكانت البلد فوضى واعتصامات وتفحيرات وسرقه ونهب ومفيش قانون واستيلاء على اراضى الدولة ومفيش كهربا ولا بنزين وبلطجه وعبث بامن مصر الداخلى والخارجى وسيناء مليانه ارهابيين وتنظيمات بتتحدى الدولة وأثيوبيا مش معبرانه وأفريقيا مجمدة علاقتنا وأوربا مهمشانه والجيش المصرى إسمه مليشيات السيسى وإشاعات الإخوان ليل نهار والجزيرة مباشر شغالة على مصر ٢٤ ساعه وقنوات فى تركيا أكاذيب وقلة أدب والسيسى اسمه قائد الإنقلاب وتركيا وقطر هم أيقونة الأمل أردوجان وتميم هما حراس الشرعيه وحماة العدالة والمثل الأعلى لكل مناضل….وإحنا فى مصر بنشرب المر والسيسى قال متخافوش انتو مش عارفين إنكم نور عنينا والا إيه واللى يقرب من مصر هأشيله من على وش الدنيا واحنا نقول الراجل ده بيستهبل والا إيه الدنيا بايظه واغتيالات وقتل وديون ….والنهاردة وفى وقت قياسى البلد هديت واللى استولى على أراضى الدولة بيتربى وبيتحاسب بالمليم….والمجرمين فى السجون ….والمصانع بتتبنى وبعد ما كان فيه عجز كهربا بقى فيه فائض وهنصدر….وهنكرر بترول العراق وهناخد بترولنا ببلاش ….والعالم كله عاوز يستثمر عندى…..ومصر رجعت كبيرة أفريقيا تانى….وأثيوبيا بتقول لمصر تعالى ديرى السد بمعرفتك….وبعد ما كنت رقم واحد فى انتشار مرض فيروس سى بقيت رقم واحد فى علاجه وبقيت قبلة مرضى فيروس سى فى العالم….وتم تحديث الجيش على أعلى مستوى وفى وقت قياسى طيارات رافال حاملات طائرات وأسطولين شمالى وجنوبى وبأقضى على الإرهابيين اللى فى سينا وليبيا وقطعت رجل حماس من سينا وهدمت ٢٠٠٠ نفق حماس بتنهب مصر منهم وأردوجان اللى مسخن العالم على مصر ولم عنده مجرمين العالم والدواعش بيهدد بيهم العرب بقى يلف حوالين نفسه وأوربا اللى كانت بتتمنى رضاه رمته على طول دراعها ووصل انه استخبى فى الحمام وقال بيانه وهو قاعد على قاعدة الحمام وبقى ولا بيهش ولا بينش وبقى هو اللى طاغيه وديكاتور ونهايته قربت….وبعد ما كانت مصر منبوذة وقف السيسى قى قاعة الأمم المتحده وقال تحيا مصر ورؤساء العالم وحكامه سقفوا له وقالو وراه تحيا مصر….وبعد ما قطر كانت دلوعة الغرب والخليج وبتهدد مصر وشعب مصر وبتساعد فى كل البلاوى اللى حصلت فى مصر….النهادرة بتتحاسب وبتدفع تمن عدواتها لمصر وتدخلها السافر فى شؤون الأخريين تم حصارها بريا وجويا وتم قفل حدودها وبقت والمدرعات ماليه الشوارع وتميم بيتصل بالسيسى والسيسى بيقوله لقد نفذ رصيدكم …..إيه يا عم السيسى ايه العمار اللى بينك وبين ربنا وهو انت محدش يجيى عليك ويكسب….ترامب غار فى داهيه وهيلارى سقطت فى الانتخابات والاخوان كل ما يروحو بلد تخرب ولندن صانعة الارهاب ولعت…واردوجان بقى عامل زى الاراجوز وتميم ايامه معدوده…وسيطرت على ليبيا والعالم بيعمل لك ألف حساب…وبتبنى وبتعمر وبتحارب الارهاب حتى فى بلاده وبتقضى على الفساد وبتعمل كبارى وبتسلح الجيش وبتقضى على العشوائيات واكتشافات غاز وزيادة الاحتياطى من العمله وبتركب عجل فى الشوارع وحنطور على كورنيش أسوان…. وبرضه بتضحك وبتقول تحيا مصر….واحنا وراك بنقول عاش الجيش وعاش السيسى وتحيا مصر

اضف تعليق

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.