الرئيسية / منوعات / العربيات دى علشان مصر ” وثيقة”

العربيات دى علشان مصر ” وثيقة”

وثيقة عن السيارات المخصصة من المجلس لمسؤوليه ..بالموديلات والأرقام، ومنها بيتضح 

مسؤولي البرلمان مخصص لهم ١٦ سيارة فاخرة، كلها موديلات مرسيدس المتنوعة (١٨٠، ٢٠٠، ٢٣٠، ٢٥٠، ٣٥٠)، أقل عربية منهم لا تقل عن نصف مليون جنيه .
رئيس البرلمان السيد على عبد العال  مخصصله ٦ عربيات لوحده .. ليه؟ ما هي الحاجة لـ ٦ عربيات فخمة؟! مش مصر أولى بتمن كام عربية من دول؟ ولا الشعب بس هوا اللي هيتقشف؟


أمين عام المجلس مخصصله ٣ عربيات لوحده، ومساعده كمان عربية رابعة؟ . مع العلم أن أمين عام المجلس قانوناً مجرد موظف عادي مش نائب ولا سياسي ولا له حصانة ولا أي حاجة .. مين من الشعب يعرف اصلا إن فيه واحد اسمه المستشار أحمد سعد الدين وظيفته أمين عام المجلس.
وكيليّ البرلمان النائبان السيد الشريف وسليمان وهدان، ليه عربيتين لكل منهما؟

ده مجرد نموذج لنمط متكرر، ولو أتيحت لنا ميزانيات ديوان عام أي وزارة، أو أي محافظة، أكيد هنشوف نفس المهازل.

حماية الأمن القومي ومكافحة الفساد أول خطواته هي الشفافية، هي قانون حرية تداول المعلومات ينشر موازنات كل الجهات الحكومية للرقابة الشعبية، ونشر تقارير الأجهزة الرقابية كما بنص المادة ٢١٧ بالدستور اللي بتقول بتنص “تُنشر هذه التقارير على الرأي العام”، لكنها حبر على ورق زي أمور كتير جداً للأسف.

 


التعليقات

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *